Vetëm pak ditë nga tragjedia e Gjenovës, ku u shemb ura Morandi dhe humbën jetën 43 persona, në Itali vijnë të jetë “i zjarrtë” debati nëse mirëmbajtja e veprave publike duhet të lihet në dorë të privatëve, apo duhet të rimerret nga shteti.

Disa anëtarë të koalicionit të partisë së Ligës së djathtë të Salvinit dhe Lëvizjes anti-establishmen “5-Yjet” kanë sugjeruar që shteti duhet të marrë përsipër autostradat dhe mirëmbajtjen e tyre.

Vetë zëvendëskryeministri italian Matteo Salvini tha sot në një intervistë se ishte kundër nacionalizimit të rrjetit të autostradës, por që mund të konsiderohet një përzierje e menaxhimit publik dhe atij privat.

“Unë nuk jam në favor të shtetëzimit,” tha Salvini në një intervistë radioje, por ai shtoi se kushtet e koncesioneve shtetërore duhej të rishikoheshin dhe se ishte i hapur për mundësinë e “një përzierjeje të menaxhimit publik dhe atij privat”.

Salvini gjithashtu sulmoi grupin e infrastrukturës Atlantia, e cila kontrollon operatorin rrugor “Autostrade per l’Italia”, duke thënë se ishte çdo ditë e më i shqetësuar nga qëndrimi i kompanisë.

“Dje Atlantia tha se po shqyrtonte komentet e bëra në lidhje me të, sikur ndikimi në rënien e aksioneve të saj nuk ishte shkaktuar nga rënia e urës, por nga deklaratat e mia ose Di Maios”, tha Salvini.